" ලේ විදීම හා ලේ විඳීම "


හැමෝම වාගේ ඔහුත් කාර්යාල වැඩ හමාර කර නිවෙස් බලා යන මොහොත
ඔහු ගමන් ගත් බස් රථය ඉස්සර කරමින් ගමන් ගත් ගිලන් රථය
ඒ හුස්මේම බස් රථය ඉස්සර කරන්නට උත්සුක වූ මෝටර් සයිකල් පදවන්නෙක්
විරුද්ධ දෙසින් ලොරියක් පදවන් ආ තැනැත්තෙක්
මේ දර්ශන සියල්ල ඔහු ඇස් මත සිතුවම් උනේ අඳුරත් කැටිව
වෙන වෙනම දුටු දර්ශන, තලයෙන් තලයට එකතු වන්නට
ඔහු ඇසිපිය හෙලන මොහොතක් ප්‍රමාණවත් විය

" බය " ඔහු මනස රජකරන්නටත් මත්තෙක්
" තැතිගැන්ම " උපරිමයට ලගා විය

මේ සියල්ල ඔහු ඉදිරියේ ජවනිකා ගත විය,

ලොරිය පාමුල පණ අදින යෞවනයෙකි
මාර්ගය පුරාවටම වර්ණයක් නොපෙනෙන දියරයක් ගලන්නට විය
දියරයක නොව ඒ රුධිරයයි
ඒ " ලේ විදීමයි " තරුණයා ඉන් බැට කන්නට ඇති
නමුත් ,
" ලේ විඳීම " තරුණයාට අදාළ දෙයක් නොවේ
විදින ලේ වල අයිතිය ඇති දෙමවුපියන්ගේ වේදනාවයි , " ලේ විඳීම "

" උදවු..... උදවු.... "
ඔහු හා අනෙකුන් බෙරිහන් දෙන්නට විය
කෑගැසීමට උවමනා නැත

" කරුණාවන්ත සිංහලයා " උදවු කරාවි

................

නැවතත් " උදවු.... උදවු "
ඔහු හා අනෙකුන් බෙරිහන් දෙන්නට විය

නැත " කාලකන්නි සිංහලයා " උදවු කලේ නැත

" මේකව ඉස්පිතලේට ගෙනියන්න ත්‍රීවිල් එකක් අරන් එන්න "
දම්බෝක්ක හන්දියෙමනේ
ත්‍රීවිල් ඕනේ තරම්
" ත්‍රීවිල් කාරයෝ " එකෙක් ආවේ නැත .
තමාට නොවන ගානට අහක බලා සිටියා
( සමාවෙන්න, රැකියාවක් පහත් කොට කතා කිරීම මා අකැමැති දෙයකි නමුත් ඔතන
හිටපු උන්ට ත්‍රීවිල් පදවන්නන් කියා වත් ගෞරව කිරීමට මා කැමති නැත )

විනාඩි දහයක කාලසීමාවකදී එක් " ත්‍රීවිල් මහත්මයෙක් "
පණ අදින මළ නොමළ තරුණයා වහා ගෙනියන්නට උනා
" කාලකන්නියෝ " අතරේ " මහත්මයෙක් " දුටුවා

මේ සිදුවීම මා ඇසින් නොදුටුවත් , සිදුවීම දුටු ඔහු මා ඇමතු විලාෂයෙන්,
ඔහුගේ වියළුණු උගුර පෑදීමට උත්සහ කිරීමෙන්,
වෙව්ලන කටහඩින්,
ඔහුගේ සිතුවම මම මගේ මනසේ සිතුවම් කළ ආකාරයයි මේ ....

මෙහි ඔහු ; Neel Susantha

මම ; | අනූ පෙරේරා 

Share on Google Plus

About Anu Perera

Anu Perera is an Author by publishing her first novel "HIKO". Anu has written more than 70 of articles to Siththam Maya Blog and has shown her colors to the readers. Some of Her articles smell radicality while giving a message to the whole society.
Post a Comment