Ads Top

අර්ථ විරහිත කඳුළු


අර්ථ විරහිත කඳුළු 

සිත්තම් මායා | අනූ පෙරේරා 

" අම්මේ "

" ම්ම්ම් " මගේ ඉරිච්ච කලිසමක් මහන ගමන් මං දිහාවත් නොබලා අම්මා පොඩි 

සද්දයක් විතරක් දැම්මා 

මං මුකුත් කිව්වේ නෑ 

මගේ කිසි ප්‍රතිචාරයක් නැති පාර අම්මා මාළු කටු මැස්ම නවත්තලා කණ්නාඩි 

අස්සෙන් මං දිහා බැලුවා 

" මොකෝ ? "

" නෑ මුකුත් නෑ "

" මුකුත් නැති වෙන්ට බෑ , ම්ම්ම්ම්ම් .... කියමු බලන්න "

" නෑ මේ නිකම් "

" හ්ම්ම් " මගේ ගණන් බලන එක නවත්තලා අම්මා ආයෙම මහන්න පටන් 

ගත්තා 

" අම්මේ .... "

" ඇයි ළමයෝ "

" බඩ්ඩක් අහන්ටද "

" හ්ම්.. හ්ම්ම්... "

" ඇයි අම්මට මාව එච්චරට ෂුවර් ? "

" ඒ කිව්වේ ? "

" නෑ... ඉතිං, අම්මා මාව ගොඩක් විශ්වාස කරනවනේ, මට ඇති තරම් නිදහස 

දෙනවා, මට ඕනෙම ජඩ වැඩක් කරලා අම්මට කිව්වොත් කලේ නෑ කියලා අම්මා 

ඒක පිළිගන්නවා, කවදාවත් මාව සැක කරලා නෑ, මම පිරිමි යාළුවෝ ආශ්‍රේ 

කරනවට මුකුත් කියන්නෙත් නෑ, අඩුගානේ මගේ ෆෝන් එක අරන් හොරෙන් 

මැසේජ් බලන්නේ නෑ, කොන්ටෑක් ලිස්ට් එක බලලා මේ කවුද කින්ද මන්ද 

කියලා අහන්නේ නෑ, ඇයි ඒ?  "

" ඇයි මේ එකපාරටම ? "

" අනිත් ගෑල් ළමයිගේ අම්මලා මෙහෙම නෑ, අග ඉඳන් මුලටම හොයනවා "

" මාත් එහෙම හොයන්නද එහෙනං "

" දෙයියන්ගේ නාමෙට එපා අම්මේ "

" ඇයි ? "

" මට දුක හිතෙයි මෙච්චර කාලෙකට නොකර දැන් අම්මා මාව සැක කරනවා 

කියලා "

" හ්ම්ම් "

" ඒත් අම්මා හරියට උත්තරයක් දුන්නේ නෑ "

අම්මා කණ්නාඩිය ඇස් දෙකෙන් ගලෝලා , අතින් මට එයාගේ ලඟට එන්න 

කිව්වා. එයාගේ පපුවටම මගේ ඔළුව තියාගත්තා. මට ඇහුනා අම්මගේ පපුව 

ගැහෙන සද්දේ, ඒ සද්දේ ඇතුලේ පවා මට දැනුනේ මං ගැන බයක් නෙවෙයි, 

විශ්වාසයක් 

" සුදු පුතා... " එයා කතා කරන්ට පටන් ගත්තා 

" ඔව් අම්මා ... "

" ඔයාව සීමා කරලා හදන්ට පුළුවන් කෙනෙක් නෙවෙයි, එහෙම සීමා කළොත් 

ඔය ජඩ වැඩ ඔක්කොම ඔයා කරනවා. මට ඉර හඳ වගේ ඔයාව විශ්වාසයි, අපේ 

ගෞරවේ නැති වෙන විදියේ දෙයක් ඔයා කරන්නේ නෑ කියලා, මොන දීපන්කරේ 

හිටියත් ඔයා පරිස්සමින් ඉන්නවා කියලා මං දන්නවා "

මං අම්මව බදාගෙන ඇඩුවා, ඒ කඳුළු වල තේරුම මට තවම හිතාගන්න බෑ. 

#අනුවා  


Siththam Maya | Anu Perera. Powered by Blogger.