අම්මා, සුභ උපන්දිනයක් වේවා


අම්මා, සුභ උපන්දිනයක් වේවා 

සිත්තම් මායා | අනූ පෙරේරා 

අම්මගේ උපන්දිනේ, අද නෙවෙයි ඊයේ. හතේ කෝච්චියෙන් කොලොම්පුරේට 

ඇදෙන්න මං නැගිට්ටේ 6 ට වගේ. සොම්බි කෙනෙක් වගේ ඈනුමක් දෙකක් අරින අතරේ 

කුස්සිය පැත්තට යනකොට අම්මා හිටියා තාත්තගේ කලිසමක් අයන් කර කර. අම්මගේ 

උපන්දිනේ අද. එලාම් එක තිබ්බා වගේ මට මතක් උනා. 

" කෙල්ලේ..... හැපී බැර්ත්ඩේ කිව්වා එහෙනං ඈ.... " 

දුවගෙන ගිහිං අම්මගේ ඇඟේ එල්ලිලා තද කරගෙන මිරිකගෙන හපාගෙන 

විශ් කරපු විශ් කිරිල්ලට තව ඩිංගෙන් අම්මා අතේ තිබුණ අයන් එකෙන්ම මාවත් අයන් 

කරලා දානවා. 

" දැන් කීයද වයස ? තිස්ස්ස්ස්ස්ස්ස්............... " 

මං ප්‍රශ්නාර්තයක් මූණේ තියාගෙනම අම්මගේ කටින් උත්තරේ ගන්න මාන 

බැලුවා. 

එයා හිනා උනා, වෙන මුකුත් කිව්වේ නෑ. විශ් එකට තැන්කියු කියලා වත් 

කිව්වේ නෑ. මං ඒක බලාපොරොත්තු උනෙත් නෑ. මොකද ඒ මගේ අම්මා නිසා. එයාගේ 

හැටි එහෙමයි. එයාව මං තේරුම් අරං ඉන්නේ. 

පහුගිය වතාවල් වලදී වගේ මගේ අතේ අම්මා වෙනුවෙන් කිසිම තෑග්ගක් නෑ 

මෙදා පාර. ඒක ලැජ්ජාවට කරුණක් ද මං දන්නේ නෑ. හැබැයි මට ඕනේ අම්මා වෙනුවෙන් 

ලොකුම ලොකු දෙයක් කරන්න. කිසිම දරුවෙක් තමන්ගේ අම්මා වෙනුවෙන් කරන්න තුන් 

හිතකවත් නැති දෙයක් කරන්න. 

ඒත්.... එයාට ඒ දේවල් වල වටිනාකමක් නැති වෙයි. මොකද එයා ඒ තරමට 

සරල කෙනෙක්. කිසිම බලාපොරොත්තුවක් නැතුව හිතේ සංතෝසෙන් ජීවත් වෙන 

කෙනෙක්. මං හිතන්නේ හැම අම්මා කෙනෙක් වගේම .......

#අනුවා 

Share on Google Plus

About Anu Perera

Anu Perera is an Author by publishing her first novel "HIKO". Anu has written more than 70 of articles to Siththam Maya Blog and has shown her colors to the readers. Some of Her articles smell radicality while giving a message to the whole society.
Post a Comment